Beısenbi kúni respýblıkanyń basym bóliginde jańbyr jaýady - Qazgıdromet
ASTANA. QazAqparat - 14 tamyz, beısenbi kúni Qazaqstannyń basym bóligi jaýyn-shashyndy bolady, naızaǵaı oınap, jel kúsheıedi. Soltústik óńirde aýa raıy turaqsyzdyǵy saqtalyp, burshaq jýýy múmkin, túnde jáne tańerteń tuman túsedi. Bul týraly «Qazgıdromet»RMK habarlady.
«Respýblıkanyń batys pen ońtústik bóliginde ǵana jaýyn-shashynsyz aýa raıy saqtalady. Aqmola, Soltústik Qazaqstan, Pavlodar, Qaraǵandy oblystarynda jel 15-20 m/s-qa deıin kúsheıedi, burshaq jaýýy yqtımal, Aqmola oblysynda tuman túsedi», - dep jazylǵan habarlamada.
Jambyl, Ońtústik Qazaqstan, Qyzylorda, Qostanaı, Shyǵys Qazaqstan oblystarynda jeldiń ekpini 15-20 m/s-qa deıin barady. Qostanaı oblysynda túnde jáne tańerteń tuman túsedi.
Almaty, Mańǵystaý oblystarynyń birqatar jerlerinde ekpini 15-20 m/s jel, shańdy daýyl turady. Kúndiz Atyraý, Almatynyń birqatar óńirlerinde, Batys Qazaqstan, Mańǵystaý oblystarynda qatty ystyq bolady dep kútilýde.
