Beısenbi kúni Qazaqstannyń basym bóliginde turaqsyz aýa raıy saqtalady - Qazgıdromet
ASTANA. QazAqparat - 9 shilde kúni Qazaqstannyń basym bóliginde turaqsyz aýa raıy saqtalady, keı jerlerde naızaǵaıly jańbyr jaýyp, jel kúsheıedi, respýblıkanyń shyǵysynyń keı jerlerinde burshaq jaýýy yqtımal, tek ońtústik, ońtústik-batysynda aýa raıy jaýyn-shashynsyz bolady. Bul týraly «Qazgıdromet» RMK habarlady.
Aqmola, Soltústik Qazaqstan, Qostanaı, Aqtóbe, Almaty, Shyǵys Qazaqstan oblystarynyń, kúndiz Ońtústik Qazaqstan, Atyraý, Batys Qazaqstan, Pavlodar oblystarynyń keı jerlerinde jel 15-20 m/s kúsheıedi, Shyǵys Qazaqstan oblysynyń keı jerlerinde burshaq jaýýy yqtımal.
Kúndiz Atyraý oblysynyń basym bóliginde, Mańǵystaý, Batys Qazaqstan oblystarynyń keı jerlerinde qatty ystyq kútiledi.
Aqtóbe, Qyzylorda, Ońtústik Qazaqstan oblystarynyń basym bóliginde, Jambyl, Atyraý, Batys Qazaqstan, Qaraǵandy, Almaty oblystarynyń keı jerlerinde óte joǵary órt qaýipi saqtalady.
