Beısenbi kúni Qazaqstannyń basym bóliginde tuman túsip, kóktaıǵaq bolady
ASTANA. QazAqparat - 13 qarasha, beısenbi kúni elimizdiń basym bóliginde tuman, kóktaıǵaq bolady, jel kúsheıedi. Tek respýblıkanyń ońtústik, ońtústik-batys jáne batys óńirinde ǵana aýa raıy jaýyn-shashynsyz bolady, dep habarlady Qazgıdromet.
Aqmola, Qostanaı oblystarynyń birqatar jerlerinde tuman, kóktaıǵaq bolady, kúndiz 15-20 m/s ekpinmen jel soǵady. Almaty, Jambyl, Atyraý, Batys Qazaqstan, Aqtóbe, Pavlodar oblystarynda kúndiz, al Mańǵystaý men Ońtústik Qazaqstanda túnde jáne tańda tuman túsedi. Soltústik Qazaqstan oblysynda kók taıǵaq bolyp, jeldiń jyldamdyǵy 15-20 m/s deıin jetedi. Qaraǵandy oblysynda tuman túsip, jel kúsheıedi (15-20 m/s). Shyǵys Qazaqstan oblysynyń keı jerlerin tuman basyp, kóktaıǵaq bolady.
