Beısenbi kúni Qazaqstannyń basym bóliginde qar jaýyp, tuman túsedi
ASTANA. QazAqparat - 18 jeltoqsan kúni Qazaqstannyń soltústik-batysynda, ońtústik jáne shyǵysynda keı jerlerde qar jaýyp, tuman túsedi, kóktaıǵaq bolady, respýblıkanyń qalǵan aýmaǵynda kún ashyq, dep habarlady «Qazgıdromet» RMK.
Cınoptıkterdiń boljamynsha, Almaty oblysy Alakól aýdanynda jeldiń jyldamdyǵy 23-28 m/s-qa jetip, túnde keı jerlerde tuman túsedi. Aqmola, Jambyl, Ońtústik Qazaqstan, Atyraý, Batys Qazaqstan, Aqtóbe, Soltústik Qazaqstan, Qaraǵandy, Shyǵys Qazaqstan oblystarynyń keıbir óńirlerinde tuman túsedi. Qostanaı oblysynda da tuman basyp, kóktaıǵaq bolýy múmkin.
