Beısenbi kúni Qazaqstannyń 9 qalasynda aýa sapasy tómendeıdi
ASTANA. QazAqparat - Beısenbi, 17 mamyr kúngi meteorologııalyq jaǵdaı Qazaqstannyń 9 qalasynda atmosferada lastaýshy zattardyń shoǵyrlanýyna yqpal etedi, dep habarlaıdy «QazAqparat» HAA «Qazgıdromet» RMK-na silteme jasaı otyryp.
Sınoptıkter taratqan málimetterge qaraǵanda, jaısyz meteorologııalyq jaǵdaılar Aqtaý, Jańaózen, kúndiz Astana, Qaraǵandy, Balqash, Temirtaý, Taldyqorǵan, Aqsaı, Oral qalalarynda qalyptasýy múmkin.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýalǵa (jel, jaýyn-shashyn, ylǵaldylyq, aýa temperatýrasy) jasalatyn boljam.
