Beısenbi kúni elimizde qar jaýyp, kúshti jel soǵady
NUR-SULTAN. QazAqparat - Sınoptıkter 13 aqpan kúni Qazaqstanda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Atmosferalyq fronttardyń ótýine baılanysty respýblıkanyń ońtústiginde, ońtústik-batysy men batysynda jaýyn-shashyn bolady. Ortalyq, shyǵys, soltústik jáne soltústik-batysta qar jaýady. Keı jerlerde kóktaıǵaq, tuman, burqasyn bolyp, kúshti jel soǵady. Ońtústik-batysta jel ekpini 30 m/s asady.
Jambyl oblysynyń keı jerlerinde - tuman, kóktaıǵaq, jaıaý burqasyn kútiledi. Jel jyldamdyǵy 15-20, túnde 23-28 m/s deıin kúsheıedi. Oblystyń ońtústik-batysynda jel qarqyny 30 m/s asady.
Aqmola oblysynyń keı jerlerinde burqasyn kóterilip, tuman túsedi. Kóktaıǵaq bolady. Jel túnde keı jerlerde 15-20 m/s jetedi. Kúndiz óńirdiń basym bóliginde jeldiń kúshi - 15-20, keı jerlerde - 25 m/s.
Qaraǵandy oblysynyń keı jerlerinde boran soǵyp, tuman túsedi. Jel ekpini - 15-20, 25 m/s deıin kúsheıedi.
Shyǵys Qazaqstan oblysynyń keı jerlerinde jaıaý burqasyn, tuman kútiledi. Jel qarqyny kúndiz 15-20 m/s jetedi.
Pavlodar oblysynyń keı jerlerinde jaıaý burqasyn soǵady. Jel jyldamdyǵy 15-20 m/s jetedi.
Túrkistan, Almaty oblystarynyń keı jerlerinde tuman túsip, kóktaıǵaq bolady. Jeldiń kúshi - 15-20 m/s.
Almaty oblysynyń Jalańashkól aýdanynda jel qarqyny - 18-23 m/s.
Mańǵystaý, Atyraý, Batys Qazaqstan oblystarynyń keı jerlerinde tuman túsip, kóktaıǵaq kútiledi. Mańǵystaý oblysynyń túnde, Atyraý, Batys Qazaqstan oblystarynyń keı jerlerinde jel sekýndyna 15-20 metr jyldamdyqpen esedi.
Qostanaı, Soltústik Qazaqstan oblystarynyń keı jerlerinde tuman túsedi. Qostanaı oblysynda jel ekpini - 18 m/s, Soltústik Qazaqstan oblysynda - 15-20 m/s.
Qyzylorda oblysynyń keı jerlerinde jel 15-20 m/s deıin kúsheıedi. Túnde jáne tańerteń kóktaıǵaq bolyp, burqasyn kóteriledi.
Aqtóbe oblysynyń keı jerlerine túnde jáne tańerteń tuman túsedi.
