Beısenbi kúni elde gaz ıisine ýlanyp 1 sábı mert boldy, taǵy 4 bala aýrýhanaǵa tústi
ASTANA. 1 jeltoqsan. QazAqparat - Almaty oblysynyń Esik qalasynda eki qabatty jekemenshik turǵyn úıde elektr symdarynyń qysqa tuıyqtalýynan kómirqyshqyl gazyna ýlanyp, 1 jasar sábı mert boldy.
QR Tótenshe jaǵdaılar mınıstrliginiń baspasóz qyzmetinen málim etkendeı, 30 qarasha kúni sondaı-aq, Almatynyń Shańyraq-2 shaǵyn aýdanynda peshtiń aqaýy saldarynan ysty gazǵa ýlanyp, 40 jastaǵy áıel men 1 jasar eki sábı, 3 jáne 15 jastaǵy balalar aýrýhanaǵa tústi.
Aqmola oblysynyń Razdolnoe aýylynda osyndaı jaǵdaıda kómirqyshqyl gazyna ýlanǵan 23 jastaǵy azamat óz úıinde til tartpastan ketti.
