Beısenbi kúni el aýmaqtarynda jel kúsheıip, jaýyn jaýady
ASTANA. QazAqparat - Qazaqstannyń basym bóliginde beısenbi kúni atmosferalyq frontaldy aǵyndardyń ótýine baılanysty jaýyn jaýyp, naızaǵaı oınaıdy, jel kúsheıip, shańdy daýyl turady, dep habarlaıdy QazAqparat "Qazgıdrometke" silteme jasap.
Aqmola, Qostanaı, Pavlodar, Shyǵys Qazaqstan, Soltústik Qazaqstan, kúndiz Qaraǵandy, Batys Qazaqstan, Aqtóbe, Atyraý, Jambyl oblystarynyń birqatar aımaqtarynda jeldiń kúshi sekýndyna 15-20 metrge jetedi. Soltústik Qazaqstan oblysynyń keı jerlerinde túnde jáne kúndiz tuman túsedi.
Ońtústik Qazaqstan oblysynyń birqatar aımaqtarynda shańdy daýyl kóterilip, jel sekýndyna 15-20 metr jyldamdyqpen uıytqıdy.
Qyzylorda oblysynda shańdy daýyl kóterilip, kúndiz keıbir aýdandarda jeldiń kúshi sekýndyna 15-20 metrge jetedi.
Kúndiz Atyraý oblysynda kún qatty ysıdy.
