Beısenbi kúnge arnalǵan aýa raıy boljamy
NUR-SULTAN. QazAqparat – Qazgıdromet 19 qarashaǵa arnalǵan aýa raıy boljamyn jarııalady, dep habarlaıdy QazAqparat.
Qazaqstan aýmaǵynyń basym bóliginiń aýa raıy antıtsıklonmen anyqtalady, jaýyn-shashynsyz aýa raıy kútiledi. Tek eldiń soltústigi men ońtústiginde frontaldy bólikterdiń áserinen qar jaýady. Respýblıkanyń keı jerlerinde tuman, ońtústiginde - jeldiń kúsheıýi, jaıaý burqasyn kútiledi.
Jambyl, Túrkistan oblystarynyń keı jerlerinde tuman, jaıaý burqasyn kútiledi, Túrkistan, túnde Jambyl oblystarynyń keı jerlerinde jel 15-20 m/s kúsheıedi.
Mańǵystaý oblysynyń keı jerlerinde jel 15-20 m/s kútiledi. Aqmola, Almaty, Atyraý, Batys Qazaqstan, Qostanaı, Soltústik Qazaqstan, Shyǵys Qazaqstan, Pavlodar, Qaraǵandy oblystarynyń keı jerlerinde tuman túsedi.
