Beısenbi elimizde aýa raıy qubylmaly bolady
NUR-SULTAN. QazAqparat – Beısenbi elimizdiń soltústik men shyǵysynda qubylmaly aýa raıy saqtalady – keı jerlerde jańbyr jaýady, shyǵysynda túnde keı jerlerde qatty jańbyrmen birge naızaǵaı kútiledi, dep habarlaıdy QazAqparat Qazgıdrometke silteme jasap.
«12 qyrkúıekte Qazaqstannyń basym bóliginde antıtsıklonniń ornalasýyna baılanysta jaýyn-shashynsyz aýa raıy kútiledi. Tek respýblıkanyń soltústik jáne shyǵysynda qubylmaly aýa raıy saqtalady – keı jerlerde jańbyr jaýady, shyǵysynda túnde keı jerlerde qatty jańbyrmen birge naızaǵaı kútiledi. Keı jerlerde tuman, jel kúsheıedi, ońtústikte shańdy daýylmen, shyǵysynda burshaq jaýýy múmkin», delingen boljamda.
Aqmola, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi, Soltústik Qazaqstan, Jambyl oblystarynyń keı jerlerinde kúndiz jel 15-20 m/s kúsheıedi.
Shyǵys Qazaqstan, kúndiz Túrkistan, Qyzylorda oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýylmen, Shyǵys Qazaqstan oblysynyń keıjerlerinde burshaq jaýýy múmkin.
Aqmola, Soltústik Qazaqstan, Pavlodar, Qaraǵandy oblystarynyń keı jerlerinde topyraq betinde úsik 1-3 gradýs kútiledi.
Atyraý, Qyzylorda oblystarynda, Túrkistan, Jambyl oblystarynyń basym bóliginde, Karaǵandy oblysynyń keı jerlerinde, Batys Qazaqstan, Aqtóbe oblystarynyń ońtústiginde, Almaty oblysynyń ońtústik –batysynda óte joǵary órt qaýipi saqtalady.
