Beısenbi eldiń basym óńirinde jaýyn-shashyndy bolady
NUR-SULTAN. QazAqparat – 17 qazan kúni Qazaqstannyń basym bóliginde frontaldy bólikterdiń ótýine baılanysty qubylmaly kún raıy kútiledi. Kóptegen óńirde jaýyn jaýady. Shyǵysta qatty jańbyr jaýyp, jel kúsheıedi. Tek batysta jáne ońtústikte ashyq aýa raıy boljanady. Respýblıkanyń keı jerlerine tuman túsýi yqtımal, dep habarlaıdy QazAqparat.
«Qazgıdromet» RMK málimetinshe, Aqmola, Almaty, Jambyl, Pavlodar oblystarynyń keı jerlerinde jel 15-20 m/s kúsheıedi. Aqmola, Jambyl oblystarynda tuman kútiledi.
Mańǵystaý, Atyraý, Batys Qazaqstan, túnde jáne tańerteń Aqtóbe oblystarynyń keı jerlerinde tuman boljanady.
Qostanaı, Soltústik Qazaqstan, Qaraǵandy, Shyǵys Qazaqstan oblystarynyń keı jerlerin tuman basyp, kóktaıǵaq bolady. Soltústik Qazaqstan oblysynyń jekelegen aýmaqtarynda jeldiń ekpini 15-20 m/s artady.
