Beısen Quranbektiń beınesi Taldyqorǵandaǵy kópqabatty úıdiń qabyrǵasyna salynyp jatyr
TALDYQORǴAN. QazAqparat - Tanymal jýrnalıst Beısen Quranbektiń beınesi Taldyqorǵandaǵy kópqabatty úıdiń qabyrǵasyna salynyp jatyr, dep habarlaıdy QazAqparat tilshisi.
«Qudaı qalasa «Jetisý« arnasynyń qaptalyndaǵy úıdiń irgesinde Beısen dostyń beınesi jymıyp turatyn bolady!», - dep jazdy Almaty oblystyq «Jetisý» telearnasynyń dırektory Serik Ábikenuly Facebook -tegi paraqshasynda.
Kórermenniń súıiktisine aınalyp, ár qazaqtyń júregine meıirim uıalata bilgen jýrnalıstiń beınesin Almaty oblystyq Іshki saıasat basqarmasy saldyrtyp jatyr.
Esterińizge sala keteıik, 18 mamyrda 49 jastaǵy tanymal jýrnalıst Beısen Quranbek ómirden ozdy.
