Beırýtte Irak parlamentiniń burynǵy depýtatynyń máıiti tabyldy
ASTANA. KAZINFORM — Irak parlamentiniń burynǵy depýtaty Ahmad ál-Alvanı Lıvan astanasy Beırýt qalasynda óli kúıinde tabyldy, dep habarlaıdy Report.
Saıasatkerdiń máıiti Tarık ál-Jadıda aýdanyndaǵy páterlerdiń birinen tabylǵan.
Lıvan MTV telearnasynyń málimetinshe, ál-Alvanıdi páterge aldap shaqyryp, sol jerde tunshyqtyryp óltirgen bolýy múmkin. Ony tunshyqtyrmas buryn, basynan urǵan.
Lıvannyń Al Jadeed telearnasy tergeýshiler qylmysqa qatysy bar adamdardy anyqtaý úshin beınebaqylaý kameralaryndaǵy jazbalardy zerttep jatqanyn habarlady.
Iraktyń Lıvandaǵy elshisi Muhammed Reza ál-Hýseını burynǵy depýtattyń qazasyna qatysty mán-jaıdy Lıvannyń sot organdary tergep jatqanyn rastady. Ázirge kúdiktiler men qylmystyń sebepteri týraly aqparat jarııalanǵan joq.
Aıta keteıik, Iranda narazylyq kezinde polıtseılerdi óltirgen eki adam darǵa asyldy.
