Beırýttaǵy jarylystan 10 adam mert bolyp, jaraqat alǵandar 100-den asty – BAQ
BEIRÝT. QazAqparat – Lıvan astanasy Beırýt qalasynda bolǵan joıqyn jarylys saldarynan keminde 10 adam kóz jumyp, 100-den asa adam jaraqat aldy, dep habarlaıdy Reuters.
Lıvandaǵy qazaqstandyq dıplomattardyń aqparaty boıynsha, aǵymdaǵy jylǵy 4 tamyzda jergilikti ýaqyt boıynsha saǵat 18:00 shamasynda Beırýttaǵy teńiz portynyń bazasynda birneshe qatty jarylys boldy. Jaqyn mańda ornalasqan úılerde, sondaı-aq jarylys epıtsentrinen birneshe shaqyrym jerde ornalasqan ǵımarattarda terezeleri shaǵyldy.
Jergilikti bıliktiń aldyn-ala aqparaty boıynsha, teńiz portynda pırotehnıkasy bar keme jarylǵan. Jarylys saldarynan Lıvandaǵy QR dıplomatııalyq mıssııasynyń ǵımaratyna zııan keldi.
Foto: VVS
