Beırýtta joıqyn jarylys boldy
BEIRÝT. QazAqparat – Lıvan astanasy Beırýt qalasynda joıqyn jarylys boldy. Qaladaǵy kóptegen ǵımaratqa zaqym kelip, kóbisiniń terezesi qırap qaldy, dep habarlaıdy QazAqparat BBC agenttigine silteme jasap.
Beırýttaǵy iri Daily Star gazetiniń redaktsııasyna jaqyn mańda alapat jarylys boldy. Taıaýda eldiń eks-premeri Rafık Harırıdiń ólimine qatysty iske sot úkimi shyǵýy tıis edi.
Jelige taralǵan vıdeoda Lıvan astanasy aspanynda paıda bolǵan qoıý tútin jarylystyń saldary ekenin kórsetedi. Jarylys Beırýttyń port ornalasqan jaǵynda bolǵan.
Juma kúni BUU trıbýnaly Harırıdiń ólim boıynsha syrttaı aıyptalǵan tórt adamǵa úkimdi jarııalaýy tıis bolatyn. Harırı 2005 jyly bomba qoıylǵan kólik jarylysy kezinde kóz jumǵan.
