Izraıl Lıvan astanasyna taǵy shabýyl jasady

ASTANA. KAZINFORM - Izraıl áskeri Lıvannyń ońtústigindegi qurlyq operatsııasyn jalǵastyryp jatyr, sonymen birge el astanasy Beırýttegi «Hezbollanyń» ınfraqurylymdyq nysandaryna zyymyran shabýyldaryn jasaýda. BBC tilshisiniń habarlaýynsha, «Beırýt soǵys aımaǵyna aınaldy».

Senbiden jeksenbige qaraǵan túni Izraıl Beırýttiń ońtústik bóligine jappaı zymyran shabýylyn jasap, «Hezbolla» ınfraqurylymyn atqylady.

Soqqylar jarty saǵat boıy úzdiksiz birinen soń biri jalǵasty, dep jazady Reuters kýágerlerge silteme jasap.

Ot ushqyndary birneshe shaqyrym qashyqtyqtan kóringen.

Beırýttaǵy BBC tilshisi qala ishinde kem degende alty úlken jarylys bolǵanyn, jarylystar arasynda ushqysh drondardyń dybysy estilgenin habarlady.

Soqqylardyń biri janarmaı quıý stantsııasyna tıgen bolýy múmkin, dep jazady VVS jýrnalısi, osy jerde aspanǵa ot shary kóterildi jáne vıdeodan úlken órt shyǵyp jatqanyn kórýge bolady.

Al Beırýttaǵy CNN tilshisi túnde bolǵan soqqyny keıingi ýaqyttaǵy eń iri shabýyl dep sıpattady.

Izraıl qorǵanys kúshteri «Beırýt aımaǵyndaǵy Hezbolla lańkesterimen baılanysty nysandarǵa shabýyl jasap jatqanyn» rastady. Shabýyl bastalǵanǵa deıin birneshe saǵat buryn TsAHAL óz josparlary týraly eskertý jasap, «jaqyn arada» qaı aımaqty nysanaǵa alatynyn kórsetip, 500 metr radıýsta turatyn adamdardy shuǵyl evakýatsııalaýǵa shaqyrdy.

Áýejaı mańyndaǵy aımaq senbi kúni Izraıldiń zymyran soqqylaryna ushyraǵan bolatyn.

Senbi kúni tańerteń ızraıl qolbasshylyǵy «Hezbollanyń» taýly aımaqtarda, qalyń toǵaılarda jáne halyq tyǵyz qonystanǵan aımaqtarda ornalasqan «jarylǵysh zattary bar» qarý qoımalarynyń joıylǵanyn habarlady.

Osyǵan deıin Izraıl Beırýt ortalyǵyna soqqy jasap, 6 adam qaza tapqanyn jazdyq.