Beıresmı aqparat boıynsha 16 adamnyń ómirin jalmaǵan Volgogradtaǵy lańkestikti slavıan ultty er adam jasaǵan
ASTANA. 29 jeltoqsan. QazAqparat - Búgin Volgogradtyń ortalyq vokzalynda bolǵan jarylys qurbandarynyń sany 16-ǵa jetti, dep habarlady interfax.ru.
«Interfakstiń» jedel qyzmettegi derekkóziniń habarlaýynsha, lańkestik áreketti jasaǵan jankeshti er adam bolyp shyqty. Onyń aıtýynsha, qylmyskerdiń aty-jóni anyqtaldy. Quqyqqorǵaý organdarynyń qyzmetkeri lańkestiń esimin jarııa etpegen, biraq onyń slavıan ulty ókili ekenin atap ótipti. Bul aqparat resmı qýattalǵan joq.
Buǵan deıin kóptegen BAQ bombany iske qosqan áıel boldy dep habarlaǵan bolatyn.
Vokzalǵa qarsy ǵımaratta ornatylǵan kamera jarylys sátin túsirip alǵan, sol jazba YouTube-ta jarııalandy:
Sońǵy málimetter boıynsha, qaza bolǵandar sany 16-ǵa deıin ósti. Volgograd oblysy úkimetiniń vıtse-premeri Vasılıı Galýshkınniń aıtýynsha, on tórt adam oqıǵa ornynda kóz jumǵan, qalǵan ekeýi aýrýhanada jantásilim etken.
9 ben 60 jas aralyǵyndaǵy jalpy sany 37 adam aýrýhanada jatyr. Sonyń segiziniń jaǵdaıy aýyr, bireýi hal ústinde jatyr.
