Beıonse egiz náresteli boldy
ASTANA. QazAqparat - Pop-oryndaýshy Beıonse men reper Jay-Z egiz náresteli boldy. USA Today portaly habarlaǵandaı, ánshi 17 maýsym kúni túnde bosanǵan.
Nárestelerdiń ul-qyz ekendigi, esimderi ázirge belgisiz. Otbasynyń jaqyn dosynyń aıtýynsha, balalar Los-Andjelestegi medıtsınalyq ortalyqta týǵan.
Eske salsaq, ánshi Beıonse óziniń júktiligi týraly aqpanda Instagram-ǵa fotosyn jarııalap, habarlaǵan. «Sizdermen mahabbatymyz, baqytymyz jaıly bóliskimiz keledi. Otbasymyz taǵy da tolyǵatyny erekshe qýanyshqa bóleýde. Tilekterińiz úshin alǵysymyz sheksiz», - dep jazǵan bolatyn Beıonse.
