Beıonse 2012 jyldyń eń sulý áıeli dep tanyldy (FOTO)
ASTANA. 27 sáýir. QazAqparat - Amerıkandyq People jýrnaly eń sulý áıelderdiń dástúrli reıtıngisin jarııalady. 2012 jyldyń eń sulý áıeli ataǵy 30 jasar Bıonske berildi, dep jazady Newsru.com.
Ekinshi orynda 39 jasar kolýmbııalyq ártis, model ári telejúrgizýshi Sofııa Vergara. Úshinshi oryn 36 jasar ártis Sharlız Teronnyń enshisinde. Jalpy, tizimge 178 tanymal áıeldiń esimi ilikken.
Reıtıngtiń alǵashqy legine sondaı-aq aktrısa, model, ataqty aǵylshyn vokalısi Fıl Kollınztiń qyzy Lılı Kollınz, amerıkalyq kınojuldyzdar Medelın Stoý, Krıstına Hendrıks, Mıshel Ýılıams, Pola Petton, kantrı stılindegi ánshi Mıranda Lambert pen brıtandyq hanzada Ýılıamnyń áıeli - Kembrıdj gertsogınıasy Keıt Mıddlton kirgen.
23 jasar Lılı Kollınz ben 28 jasar Mıranda Lambertten basqa reıtıngtegi barlyq áıelderdiń jasy 30-dan asqan. Tipti úzdik ondyqtyń arasynda 53 jasar Medelın Stoýdyń júrgenin qaıtersiz.
Byltyr ǵalamshardyń eń sulý áıeli reıtıngisinde alǵashqy oryn Djennıfer Lopeske buıyrǵan edi.
People reıtıngisindegi top-10:
1. Beıonse
2. Sofııa Vergara
3. Sharlız Teron
4. Lılı Kollınz
5. Medelın Stoý
6. Krıstına Hendrıks
7. Mıshel Ýılıams
8. Pola Petton
9. Mıranda Lambert
10 Keıt Mıddlton
