Beıons Almatyda ashyq aspan astynda kontsert qoıady
ALMATY. 18 tamyz. QazAqparat - Almatyda 22 tamyzda M. Gorkıı atyndaǵy ortalyq mádenıet jáne demalys saıabaǵynda Búkilálemdik gýmanıtarlyq kómek kúnine arnalǵan kontsert ótedi.
2008 jyly BUU Bas assambleıasy bekitken bul ataýly kúni bıyl Qazaqstanda tuńǵysh ret uıymdastyrylyp otyr. Oǵan «Men mundaı boldym» («I was here») áni atalmysh gýmanıtarlyq kúnniń ánuranyna aınalǵan amerıkandyq pop-estrada juldyzy Beıons qatyspaq. Bul ándi ol kórermendermen qosylyp aıtady dep josparlanýda. Qaıyrymdylyq uıymdary, shyǵarashylyq toptar, BUU agenttigi, Qyzyl jarty aı ulttyq qoǵamy, qalalyq tótenshe jaǵdaılar departamentiniń qatysýymen ótetin oıyn-saýyqtyq baǵdarlamada qonaqtarǵa óz jumystary týraly aıtyp kórsetilimdik jattyǵýlaryn usynbaq. Sharanyń ashylý rásimine BUU-nyń Qazaqstandaǵy ókildiginiń basshysy Stıven Týll, qala ákimi Ahmetjan Esimov, QR Syrtqy ister mınıstrliginiń Almatydaǵy ókildiginiń jetekshisi Igor Mýsalımov qatysqaly otyr.
