Beıneýde kópbalaly ana jeńildikpen nesıe alyp, jylqy ósirýde

BEINEÝ. QazAqparat - Mańǵystaý oblysynyń Beıneý aýdanyna qarasty Tólep aýylynyń turǵyny Toıgúl Amanqosqyzy nátıjeli jumyspen qamtý jáne jappaı kásipkerlikti damytý baǵdarlamasy aıasynda 10 bas jylqy satyp aldy, dep habarlaıdy QazAqparat tilshisi.

Beıneý aýdany ákimdiginiń baspasóz qyzmeti habarlaýynsha, áıel balalaryn eńbekke baýlyp, ata kásipti jalǵastyrýdy maqsat etken otbasy kásibiniń násibin kórip otyr.

«Jyl basynda memleket tarapynan usynylǵan baǵdarlamalardyń bar ekenin estidim. Sóıtip mal sharýashylyǵyn damytý úshin 2017-2021 jyldarǵa arnalǵan «Eńbek» baǵdarlamasy aıasynda 4 paıyzdyq nesıege 10 bas jylqy aldym. Joldasym temir jol salasynda qyzmet etedi. Mektep jasyndaǵy 6 ulym bar. Olar qoldary bos ýaqytta jylqylardy sýaryp, jem-shópterin berip, baptaıdy. Qazir jylqynyń sany 17-ge jetti», - deıdi Toıgúl Amanqosqyzy.

Mal sharýashylyǵyn qolǵa alǵan otbasy aldaǵy ýaqytta jylqynyń tabıǵı ónimderin aýyl turǵyndaryna usynýdy josparlap otyr.