«Beıneý-Shymkent» gaz qubyrynyń birinshi bóligi 2013 jyly aıaqtalady
Bul týraly búgin Almatyda ashylǵan KIOGE-2010 konferentsııasy barysynda QR munaı jáne gaz vıtse-mınıstri Lázzat Qıynov aıtty.
«Beıneý-Shymkent» magıstraldyq gaz qubyrynyń qurylysy boıynsha jobanyń alǵashqy kezeńin 2013 jyly aıaqtaý qarastyrylýda», - dedi L.Qıynov.
Ol sondaı-aq bıylǵy jyly Qazaqstan gazynyń eksporty ótken jylmen salystyrǵanda 28 paıyzǵa ulǵaıyp, 9 mıllıard tekshe metrdi quraıtynyn jetkizdi. «Qazirgi kezde Qazaqstan gazy tek Reseıge satylýda. Ótken 8 aıdaǵy satylym kólemi 5,7 mıllıard tekshe metr gazdy qurady», - dep atap ótti vıtse-mınıstr. Onyń aıtýynsha, bıylǵy jyly shıkizat túrindegi gazdy óndirý 37 mıllıard tekshe metr kóleminde bolady. Al 2015 jyly óndirilgen gazdyń kólemi 61,6 mıllıard tekshe metrge jetkiziledi.
