Beıneý - Bozoı - Shymkent gaz qubyrynyń 2-jelisi salynady

ASTANA. QazAqparat – «Beıneý - Bozoı - Shymkent» gaz qubyrynyń 2-shi jelisi salynady. Bul jaıynda Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Qashaǵan ken ornynda salynyp jatqan jáne bolashaqta salynatyn zaýyttar aıasynda óndiriletin taýarlyq gazdyń qosymsha kólemi búginde júktemesi 45 paıyzdy qurap otyrǵan qoldanystaǵy «Ortalyq Azııa - Ortalyq» magıstraldy gaz qubyry arqyly tasymaldanatyn bolady. Atalǵan gazdy soltústik jáne ońtústik óńirlerge jetkizý «Beıneý - Bozoı - Shymkent» magıstraldy gaz qubyry arqyly júzege asyrylatyn bolady. Bul úshin «QazaqGaz» UK» AQ «Beıneý - Bozoı - Shymkent» gaz qubyrynyń ótkizý qabiletin jylyna 30 mlrd tekshe metrge deıin keńeıtý úshin qubyrdyń 2-shi jelisin salý boıynsha tehnıkalyq-ekonomıkalyq negizdeme ázirleýdi bastady. Júzege asyrýdyń josparlanǵan merzimi – 2027 jyl», - dep atap ótedi Úkimet basshysy jaýabynda.

Buǵan deıin 2028 jylǵa qaraı elimizde jıyntyq jyldyq qýaty 9 mlrd tekshe metr bolatyn 3 gaz óńdeý zaýyty salynatyndyǵyn jazǵan edik.