Beıneý-Bozoı gaz qubyrynyń qurylysy boıynsha eshqandaı qarjylyq problemalar joq - S. Myńbaev
/em>Qazannyń 5-i. QazAqparat /Rýslan Ǵabbasov/ - Beıneý-Bozoı gaz qubyrynyń qurylysy boıynsha eshqandaı qarjylyq problemalar joq. Bul týraly búgin Astanada ótip jatqan «KAZENERGY» besinshi eýrazııalyq forýmy barysynda baspasóz máslıhatynda Munaı jáne gaz mınıstri Saýat Myńbaev málim etti.
«Búginde gazdyń eksportqa shyǵý joly tek Reseı arqyly júzege asyrylady. Buıyrtsa, bıyl bastalatyn Beıneý-Bozoı jobasy birinshiden ońtústik óńirdi ózimizdiń gazben qamtamasyz etýge múmkindik beredi. Onyń ústine, osy qubyr arqyly Qytaı naryǵyna shyǵýǵa múmkindik bolady», dedi mınıstr.
Sonymen qatar S. Myńbaev Beıneý-Bozoı qubyry qurylysyn bastaýǵa qazirgi kezde eshqandaı qarjylyq problema joq ekendigin atap ótti. Mınıstrdiń sózine qaraǵanda, qarjylandyrý sharalarynda, ıaǵnı kapıtal salý boıynsha Qytaı tarapymen tıisti jumystar aıqyndalǵan. Atap aıtqanda, bul joba boıynsha qazirgi kezde aǵymdaǵy tıisti jumystar atqarylýda. Osyǵan baılanysty bul másele turǵysynda jaqyn arada sońǵy núkte qoıylmaq.
