«Beıneý Bozoı» gaz qubyry jobasy bıyl bastalatyn boldy
Bul týraly búgin Májilistegi Úkimet saǵatynda baıandama jasaǵan Munaı jáne gaz mınıstri Saýat Myńbaev málim etti.
«Elbasynyń joldaýyna sáıkes, Astana qalasy men eldiń soltústik óńirlerin gazdandyrý úshin «Tobyl-Kókshetaý-Astana» gaz qubyry qurylysynyń jobasy pysyqtalýda. Jobanyń shıkizat bazasynyń kózi retinde aıyrbas operatsııalary negizindegi reseılik tabıǵı gazdy paıdalaný josparlanýda. Alaıda bul jobanyń biraz qıynshylyqtary da barshylyq», - deıdi Saýat Myńbaev.
Budan bólek, mınıstr «Beıneý-Bozoı-Shymkent» baǵyty boıynsha «Qazaqstan-Qytaı» gaz qubyrynyń ekinshi ýchaskesiniń qurylysyna da toqtala kele, bul jobanyń iske asyrý satysynda turǵanyn atap ótti.
Mınıstrdiń sózine qaraǵanda, «Bozoı-Shymkent» ýchaskesin bıylǵy jyldyń qazan aıynda engizý josparlanady. Al «Beıneý- Bozoı» boıynsha jumys jedeldetiledi.
«Buryn bul ýchaskeniń qurylysyn bastaý keler 2014 jylǵa qaraı josparlanǵan bolatyn. Bul merzim bıylǵy 2013 jyldyń sońyna qaraı aýystyrylatyn boldy», - dedi S. Myńbaev.