Beıneý aýdany ákimin saılaý: bir saǵatta 25 turǵyn daýys berdi

Beıneýdegi №121 saılaý ýchaskesinde halyqtyń daýys berýi qarqyndy júrip jatyr. Bul týraly ýchaskelik saılaý komıssııasynyń tóraǵasy Moldahan Malbasov aıtty, dep habarlaıdy Kazinform.

№121 saılaý ýchaskesinde 2 394 saılaýshy bar. Jarty saǵattyń ishinde 25 saılaýshy tańdaýyn jasady.

- Halyqtyń saılaýda belsendiligi óte joǵary. Qazirgi tańnyń ózinde 25 saılaýshymyz kelip, daýsyn berdi. Aýdan ákimine úmitker úsh kandıdatymyz bar. Saılaý ýchaskesinde eki senimdi ókil, eki baıqaýshy bar. Qazir saılaý barysyn qadaǵalap, baqylap otyr, - deıdi №121 ýchaskelik saılaý komıssııasynyń tóraǵasy Moldahan Malbasov.

Aýdanda barlyǵy 30 saılaý ýchaskesi jumys istep jatyr. Daýys berý saǵat 20:00 deıin jalǵasady.

Aıta ketsek, Mańǵystaýda tek bir ǵana Beıneý aýdanynda ákim saılaýy ótip jatyr.