«Beıneý-Aqjigit» avtojolynda iri jol apatynda jeti adam qaza taýyp, úsheýi jaraqat aldy - TJM
ANA. 13 jeltoqsan. QazAqparat - Jeksenbi kúni Mańǵystaý oblysynyń «Beıneý-Aqjigit» avtojolynda bolǵan iri jol apatynda jeti adam qaza taýyp, úsheýi jaraqattandy.
Qazaqstannyń Tótenshe jaǵdaılar mınıstrliginen habarlaǵandaı, 12 jeltoqsan kúni túski saǵat 12.46-da avtojoldyń 40-shaqyrymynda «Gazel» jáne «Toıota» avtokólikteri soqtyǵysyp qaldy.
Saldarynan birinshi kóliktiń 31 jastaǵy júrgizýshisi men onyń 36 jastaǵy jolaýshysy, sondaı-aq ekinshi kóliktegi 54, 62, 64, 69 jáne 80 jastaǵy jolaýshylary oqıǵa ornynda mert boldy. «Toıotanyń» 56 jastaǵy júrgizýshisi men «Gazelde» bolǵan 16 jáne 31 jastaǵy azamattar aýrýhanaǵa jetkizildi.
