Beıneleý óneri boıynsha jańa monetalar satylymǵa shyǵady

NUR-SULTAN. QazAqparat - Ulttyq banktiń «Qazaqstannyń beıneleý óneri» serııasynan nomınaly 500 teńgelik M.KENBAEV ÁŃGIME kollektsııalyq monetalary bıylǵy 14 sáýirden bastap satylymǵa shyǵady, dep habarlaıdy QazAqparat qarjy uıymynyń resmı saıtyna silteme jasap.

Monetalar kazcoins.nationalbank.kz platformasynda Ulttyq banktiń ınternet-dúkeni arqyly satylady.

KENBAEV ÁŃGIME monetalarynyń sıpattamasy: moneta dızaınynda Qazaq KSR eńbek sińirgen óner qaıratkeri, Qazaqstannyń halyq sýretshisi, pedagog ári professor M.Kenbaevtyń «Áńgime» kartınasyndaǵy fragment beınelengen. Materıaldardy Á.Qasteev atyndaǵy QR Memlekettik óner mýzeıi usyndy.

Moneta aversiniń ortalyq bóliginde QR Memlekettik Eltańbasy beınelengen, al jaqtaýynda QAZAQSTAN RESPÝBLIKASY ∙ RESPÝBLIKA KAZAHSTAN» degen jazý bar. Tómengi bóliginde monetanyń nomınaly, soǵylǵan jyly, moneta jasalǵan metaldyń salmaǵy men synamasy jazylǵan. Joǵarǵy bóliginde «M.KENBAEV ÁŃGIME (1958)» degen jazý men Ulttyq banktiń taýar belgisi (logotıpi) basylǵan», - delingen jarııalanymda.

Monetanyń reversinde sýretshi M.Kenbaevtyń «Áńgime» kartınasyndaǵy fragment beınelengen. Kompozıtsııa túrli-tústi baspa tehnologııasymen jasalǵan. Monetalar 925/1000 synamaly kúmisten turady. Salmaǵy – 31,1 gramm, sapasy – proof. 500 teńgelik nomınalmen 1 500 danasy jasaldy.