Beınebaqylaý kamerasy jol-kólik oqıǵasy kezinde oq atyp, boı tasalǵan júrgizýshini ustaýǵa kómegin tıgizdi
ASTANA. Qyrkúıektiń 22-si. QazAqparat /Marlan Jıembaı/ - Syrtqy baqylaý kamerasynyń jáne Qaraǵandy oblystyq, qalalyq ІІD-niń qyzmetkerleriniń birlese jedel áreket jasaýynyń arqasynda jol-kólik oqıǵasy kezinde oq atyp, boı tasalaǵan júrgizýshi quryqtaldy. Bul týraly búgin elordada QR Іshki ister mınıstrliginiń resmı ókili Qýanyshbek Jumanov málim etti.
Onyń aıtýyna qaraǵanda, Qaraǵandy qalasynyń Chkalov-Krıvogýz kósheleriniń qıylysynda «BMV» kóliginiń júrgizýshisi «Folksvagen-Transporter» avtomobılin qaǵyp, oqıǵa ornynan boı tasalamaq bolǵan. Jábirlenýshi «BMV» kóligin toqtaýǵa tyrysqan kezde kúdikti oǵan oq atyp, qashyp ketken.
«Qaraǵandy oblystyq ІІD-ne tıesili beınebaqylaý kamerasy osy oqıǵany tirkep, qalada «Tosqaýyl» jospary júrgizildi. Polıtsııa arnaıy jasaǵynyń qyzmetkerleri «ıÝbıleınyı» dúkeni aýmaǵynda izdestirýdegi adamǵa uqsas 25 jastaǵy jergilikti turǵyndy tutqyndady. Odan «Osa» travmatıkalyq tapanshasy tárkilenip, buzaqylyq faktisi boıynsha qylmystyq is qozǵaldy», dedi Q.Jumanov.
Mınıstrliktiń aqparaty boıynsha, qazirgi ýaqytta Qaraǵandy qalasynda 238 syrtqy baqylaý kamerasy ornatylǵan. Jyl aıaǵyna deıin taǵy 30 kamera ornatý josparlanyp otyr. Jyl basynan beri kameralardyń kómegimen 119 qylmys áshkerelenip, 17 myńnan astam ákimshilik quqyq buzýshylyqtyń joly kesilgen.
