Beınebaqylaý kameralarynyń kómegimen 3402 quqyq buzý deregi anyqtaldy

ASTANA. QazAqparat - Qylmystyq-atqarý júıesi komıteti penıtentsıarlyq mekemelerde úzdiksiz beınebaqylaýdy engizý boıynsha jumys júrgizip jatyr, dep habarlaıdy QazAqparat Polisia.kz-ke silteme jasap.

Búgingi tańda QAJ mekemelerinde 22 myńnan astam beınekamera ornatylǵan. Bıylǵy birinshi toqsanda beınebaqylaý operatorlary ustaý rejımin buzýdyń 3 402 deregin anyqtady.

«Al ótken jyly 2 779 quqyq buzýshylyq bolǵan. Tyıym salynǵan zattardy engizýdiń 4 arnasy joıyldy. Arnaıy kontıngenttiń 79 qaqtyǵysy men 9 toptyq baǵynbaýy toqtatyldy. 13 sýıtsıd pen 3 qashý oqıǵalarynyń aldyn alý sharalary atqqaryldy. Bir jyldyń ishinde QAJ mekemelerinde qyzmetkerlerdiń zańsyz áreketterine qatysty shaǵymdar sany 4 esege azaıdy», - dep jazdy komıtetten.

Sonymen qatar, mekemelerde úzdiksiz beınebaqylaýdy engizý sottalǵandardyń quqyqtyq jaǵdaıyn jaqsartýǵa jáne quqyqqa qarsy áreketterdiń aldyn alýǵa baǵyttalǵanyna qaramastan, sottalǵandar 293 kamerany isten shyǵarǵan. Ustaý rejımin buzýshylarǵa qatysty keltirilgen zalaldy óteýmen qosa 45 tártiptik jaza qoldanyldy, 49 sotqa deıingi tergeý bastaldy.