Beınebaqylaý kameralary Astana aýlalaryndaǵy quqyq buzýshylyqtardy 5 esege tómendetti
ASTANA. QazAqparat - Beınebaqylaý kameralary Astana aýlalaryndaǵy quqyq buzýshylyqtardy 5 esege tómendetýge múmkindik berdi.
Bul týraly búgin «Tirshilik qareketin keshendi qamtamasyz etý júıesimen» belgilengen ákimshilik quqyq buzýshylyqtarǵa qatysty kóshpeli sotynda Astana qalasy ІІD Esil aýdandyq ІІB ókili Serik Ábýtálip málim etti.
«Kóshpeli sottyń maqsaty - aýdan turǵyndaryna barlyq quqyq buzýshylyqtar beınebaqylaý kameralary arqyly tirkeletindigin habarlaý. Eger biz buryn kúnine 50-den astam quqyq buzýshylyqty anyqtap kelgen bolsaq, júıe arqyly biz onyń sanyn 10-8-ge deıin tómendettik», - deıdi ol.
Eske sala keteıik, elordada qylmys sanyn azaıtý masatynda qolǵa alynǵan «Tirshilik qareketin keshendi qamtamasyz etý júıesi» ilki jobasy aıasynda Qabanbaı batyr-Almaty-Saýran-Syǵanaq kósheleri aýdanyndaǵy aýlalarǵa 113 kamera ornatylǵan bolatyn.
Jalpy 6 aıdyń ishinde sol kameralarmen 138 quqyq buzýshylyq anyqtaldy. Onyń ishinde kólikti aıdap ketý - 2, adamǵa dene jaraqatyn salý - 1, ákimshilik quqyq buzýshylyq faktileri - 71, jol-kólik oqıǵasy boıynsha 28 fakti tirkelgen.
