"Beımaral" teatry Qyzylorda oblysyn aralaıdy

Bul shara «Aqqý-Gákký» ázil-syqaq otaýynyń prodıýseri Ázimhan Berdaly óziniń 60 jyldyq mereıtoıy aıasynda júzege asyrylmaq. Buǵan deıin 30 sáýir kúni "Almaty" kontsert zalynda «Murager» prodıýserlik ortalyǵynyń uıymdastyrýymen mereıtoı ıesiniń keshi ótkizilgen edi.

"Konservatorııa qabyrǵasynan Beken Jylysbaevtyń klasynda ánshilik mamandyq alyp shyqqan Á. Berdaly eńbek jolyn Qazaqstan ulttyq telearnasynda bastap, bas rejısserlik qyzmetke deıin ósti. Odan keıin Luqpan Esenovtyń shaqyrýymen 1986-2006 jyldary "Tamasha" oıyn-saýyq otaýynyń dırektory boldy. Bir qyzyǵy, bul kisi ózi de óner adamy bolyp turyp, búkil ómirin ózge ónerpazdardyń jurtshylyqqa tanylýyna arnap keledi", - deıdi "Murager" prodıýserlik ortalyǵynyń rejısseri Asqar Naımantaev. Onyń aıtýynsha, Á. Berdaly dastarhanǵa shaqyrǵanda ártisterdi tórge otyrǵyzyp, ózi árdaıym tómen jaıǵasady. Olardyń "qashan shal bolasyz. Bas ustap bata beretin kezińiz boldy ǵoı degenine "halyq senderdi jaqsy kóredi. Senderdiń kontsertterińe keledi. Men senderdiń qyzmetshilerińmin deýden jalyqpaıdy. Onyń kishipeıildiligin óziniń mereıtoılyq keshi aıasynda "Beımaral" teatrynyń Qyzylorda oblysyna kontserttik saparyn uıymdastyryp jatqanynan da baıqaýǵa bolady. "Ázekeń óziniń bul isin sender jas teatrsyńdar ǵoı, dep el-jurtpen jaqyn tanysyp qaıtý artyq bolmaıdy dep jýyp-shaıyp otyr. Bul saparda óner ujymy barlyq eldi mekenderdi aralap, odan keıin Shymkent, Taraz qalalaryna da at basyn tireıtin bolady", - deıdi A. Naımantaev.