"Beımaral" kúlki kompanııasy Qyzylorda oblysyndaǵy "Ázil men án" keshterin bastady
ALMATY. 16 mamyr. QazAqparat /Erlik Erjanuly/ - Búgin Aralda "Beımaral" teatry "Ázil men án" keshin ótkizedi. Ony "Murager" prodıýserlik ortalyǵy uıymdastyryp otyr. Bul shara "Murager" prodıýserlik ortalyǵynyń prodıýseri Ázimhan Berdalynyń 60 jyldyq mereıtoıy aıasynda júzege asyp otyr.
"30 sáýir kúni Almatyda bastaý alǵan óner keshi endi Qyzylorda oblsynda óz jalǵasyn taýyp otyr. Bul sapar kezinde biz Qazalyda, Qarmaqshyda, Jalaǵashta, Syrdarııada, Qyzylordada, Shıelide, Jańaqorǵanda jurtshylyqpen júzdesip, "Ázil men án" keshin ótkizbekpiz", - deıdi «Murager» prodıýserlik ortalyǵynyń rejısseri Asqar Naımantaev. Onyń aıtýynsha, gastroldik sapardy olar budan keıin Taraz ben Shymkent qalalarynda jalǵastyrmaq.
