Beıl Ronaldýdan asyp túsip, «Realdaǵy» jalaqysy eń kóp fýtbolshy atanýy múmkin
ASTANA. QazAqparat - Madrıdtik "Realdyń" basshylyǵy vallııalyq jartylaı qorǵaýshy Garet Beılge jańa kelisimshart usyndy, dep habarlady The Telegraph.
Eger klýb oıynshynyń talaptaryn qabyldasa, onda sportshynyń jalaqysy komandadaǵy eń joǵarysy jáne álemdik dárejede de bul kórsetkish boıynsha alǵashqylardyń qatarynda bolmaq.
"Real" basshylyǵy Beılmen arada jasasqan 2019 jyly aıaqtalatyn shart merzimin taǵy eki jylǵa uzartpaq. Taraptar jalaqyny portýgalııalyq Krıshtıaný Ronaldý tabysynan asatyn somaǵa deıin kóterý jaıyn qarastyryp jatyr. Osylaısha, Beıl shamamen "Barselonadaǵy " argentınalyq Lıonel Messı sııaqty aptasyna 425 myń eýroǵa jýyq qarajat almaq.
