Beıimbet Qanjanov Parıjde chempıon atandy
ASTANA. QazAqparat - 26-28 mamyr aralyǵynda frantsııa astanasynda «b» sanatyndaǵy «grand prix de paris de sambo 2017» halyqaralyq týrnıri ótti.
«Sharlı» arenasynda 17-shi márte ótken dástúrli týrnırde 29 salmaq dárejesinde júldegeler sarapqa salyndy, dep habarlaıdy dodasport.kz .
Saıystar sporttyq jáne jaýyngerlik sambo boıynsha jastar, jasóspirimder jáne eresekter arasynda ótti.
52 keli salmaqta birneshe dúrkin álem chempıony, Qazaqstan sambosynyń maqtanshysy Beıimbet Qanjanov synǵa tústi. Otandasymyz óziniń sheberlik deńgeıin kórsetip, Frantsııada qarsylas shaq keltirmeı, altyn oljalady.
