Beıbitshilik salasyndaǵy Nobel syılyǵyn 31 jylǵa sottalyp, túrmede otyrǵan Nargız Mohammadı aldy

Beıbitshilik salasyndaǵy 2023 jylǵy Nobel syılyǵy ırandyq quqyq qorǵaýshy Nargız Mohammadıge buıyrdy. QazAqparat bul týraly Euronews agenttigine silteme jasap habarlaıdy. 

Nargız Mohammadı – áıelder quqyǵyn qorǵaý jáne ólim jazasyn alyp tastaýdy jaqtaýshylardyń biri.

Ol Iranda birneshe ret qamaýǵa alynyp, qazirgi kezde «memleketke qarsy úgit-nasıhat júrgizdi» degen aıyppen uzaq merzimge sottalyp, túrmede jazasyn ótep jatyr. 

Mohammadı – 2003 jylǵy Nobel beıbitshilik syılyǵynyń laýreaty Shırın Ebadı basqaratyn adam quqyqtaryn qorǵaý ortalyǵy dırektorynyń orynbasary.

Ol sondaı-aq Irandaǵy ulttyq beıbitshilik keńesiniń atqarýshy komıtetiniń tóraıymy bolyp saılandy.