Beıbitshilik keńesi Gazany qalpyna keltirýge $2,45 mıllıardtyń josparyn usyndy
ASTANA. KAZINFORM — Izraıl men HAMAS áskerdi qaqtyǵys aımaǵynan shyǵarý jáne Palestına qozǵalysyn qarýsyzdandyrý jóninde birjola kelisimge kele almaı otyr, osyǵan baılanysty Gaza sektoryn qalpyna keltirýge kirisý de múmkin bolmaı tur, dep habarlaıdy Kazinform agenttiginiń menshikti tilshisi.
AQSh prezıdenti Donald Tramp qurǵan Beıbitshilik keńesi 23 qyrkúıek, sársenbi kúni Gaza sektoryn qalpyna keltirýdiń alty aılyq bastapqy josparyn usyndy, oǵan 2,45 mıllıard dollar (shamamen 1,09 trıllıon teńge) jumsalmaq. Jospar Nıý-Iorkte BUU Bas Assambleıasynyń aıasynda tanystyryldy.
Great High Level Briefing today on the Board of Peace’s efforts in Gaza. Full presentation 👇 https://t.co/JJ3Ze6lVgL
— Board of Peace (@BoardOfPeace) September 23, 2026
Qujatta sektordyń ınfraqurylymyn, ekonomıkasyn jáne anklavty basqarý júıesin qalpyna keltirýge arnalǵan 66 jobany júzege asyrý qajettigi baıandalǵan. Beıbitshilik keńesi ókilderi jospardyń qashan iske asatyny belgisiz bolyp otyrǵanyn tilge tıek etti, sebebi Izraıl men HAMAS osy qozǵalysty qarýsyzdaný sharttary jáne Izraıl áskerin shyǵarý týraly áli kelisimge kele almaı otyr.
Gaza sektoryna keltirilgen zalal kólemi 35,2 mıllıard dollarǵa (shamamen 15,69 trıllıon teńge) baǵalanyp otyr. Aldaǵy onjyldyqta anklavty tolyq qalpyna keltirý úshin shamamen 71,4 mıllıard dollar (31,82 trıllıon teńge) qajet.
Axios deregi boıynsha, ınfraqurylym jobalaryna shamamen 1 mıllıard dollar (445,65 mıllıard teńge) jumsalady.
Sonyń ishinde shamamen 400 mıllıon dollar (178,26 mıllıard teńge) ýaqytsha baspana salýǵa, 275 mıllıon dollary (122,55 mıllıard teńge) qırandylar men jarylǵysh zattardy joıýǵa, 50 mıllıon dollary (22,28 mıllıard teńge) aýrýhanalardy qalpyna keltirýge jáne 30 mıllıon dollary (13,37 mıllıard teńge) joldardy jóndeýge jumsalady.
Scoop: President Trump's Board of Peace will unveil a six-month, $2.45 billion recovery plan for Gaza today. The plan estimates physical damage in Gaza at $35.2B and says full recovery and reconstruction will require about $71.4B over the next decade. https://t.co/fjqCbyUxQ5
— Axios (@axios) September 23, 2026
Jospar aıasynda, sondaı-aq shekara ótkelderin, elektr jáne sýmen jabdyqtaý júıelerin qalpyna keltirý, 25 000 jyljymaly kún batareıalaryn ornatý jáne kezek kúttirmeıtin nysandar salynatyn jerdiń astyndaǵy týnnelderdi toltyrý da kiredi.
Taǵy 885 mıllıon dollar (394,4 mıllıard teńge) qaýipsizdikti qamtamasyz etýge baǵyttalady. Osy somanyń 275 mıllıon dollary (122,55 mıllıard teńge) Rafahta Halyqaralyq turaqtandyrý kúshteriniń 5000 qyzmetkerine arnalǵan turaqty bekinis bazasyn qurýǵa bólinedi.
Kópultty kontıngentti qalyptastyrý, oqytý jáne jabdyqtaý maqsatynda 140 mıllıon dollar (62,39 mıllıard teńge) jáne Palestına polıtsııasyn qurýǵa 120 mıllıon dollar (53,48 mıllıard teńge) jumsalady.
Budan tys, HAMAS jáne basqa da qarýly toptardan qarý-jaraqty satyp alý baǵdarlamasyna 20 mıllıon dollar qarajat (8,91 mıllıard teńge) qarastyrylǵan. Josparǵa sáıkes, Gaza sektorynyń Izraıl jáne Egıpetpen shekaralas ótkelderin keıinnen Palestına tehnokratııalyq úkimeti baqylaýǵa alady.
Densaýlyq saqtaý, bilim berý jáne áleýmettik qyzmetterge taǵy 300 mıllıon dollar (133,7 mıllıard teńge) bólý josparlanǵan. Jobada, sondaı-aq tsıfrlyq jeke kýálikterdi, elektrondy tólem júıesin, tórtinshi býyn mobıldi jelisin, tsıfrlyq densaýlyq saqtaý jáne bilim berý qyzmetterin jáne shaǵyn bızneske arnalǵan granttar bólý jaǵy da qarastyrylǵan.
Today, on the margins of #UNGA, the @BoardOfPeace set out how the Gaza peace plan moves from preparation to implementation. A year ago we had no framework, no roadmap, and no Palestinian-led @NCAG ready to assume responsibility in Gaza. Today we have all three. (1/5) https://t.co/L0bMRE6yks
— Nickolay E. MLADENOV (@nmladenov) September 23, 2026
Birikken Arab Ámirlikteri óz qarajaty esebinen Rafahtaǵy qazirgi ýaqytta shatyrlarda turyp jatqan 50 myń palestınalyqqa arnalǵan «Ámirlikter aýdany» pılottyq jobasyn iske asyrady.
Baǵdarlama áli tolyq qarjylandyrylǵan joq.
Beıbitshilik keńesiniń ókilderi saıası kedergiler sheshilip, Gaza sektorynda Palestına tehnokratııalyq úkimeti jumys isteı bastaǵannan keıin donor elder qajetti qarajat bóledi dep úmittenedi.
Axios málimeti boıynsha, Izraıl úkimeti baǵdarlamanyń keıbir erejelerine kelisken, biraq ony áli iske asyrýǵa asyǵar emes. Bul ishinara 27 qazanda ótetin Knesset saılaýyna da baılanysty. Hamas óz kezeginde qarýsyzdaný máselesin talqylaýǵa keliskenimen, bul protsestiń praktıkalyq tetikteri áli sheshimin tappaı tur.
Gaza sektoryndaǵy ǵımarattardyń kópshiligi qıraǵan, al 2 mıllıonnan astam turǵyn anklav aýmaǵynyń shamamen úshten bir bóligine shoǵyrlanǵan. Olardyń kópshiligi shatyrlarda nemese zaqymdalǵan ǵımarattarda kúneltip otyr.
Bir apta buryn Gaza qalasynda osyndaı ǵımarattardyń biri qulap, ondaǵan adam qaza tapty.
