Beıbit Juqaev juptyq synda Meksıkadaǵy jarystyń shırek fınalyna shyqty
ASTANA. KAZINFORM – Qazaqstandyq tennısshi Beıbit Juqaev juptyq synda Morelos (Meksıka) chellendjer týrnıriniń shırek fınalyna joldama aldy.
Qazaqstandyq tennısshi ýkraınalyq Vadım Ýrsýmen birge bastapqy kezdesýin aýstralııalyqtar Djeık Dıleını – Mark Polmanspen ótkizdi.
Birinshi partııada qazaqstandyq-ýkraınalyq jup 6:4 esebimen basym tústi. Ekinshi sette aýstralııalyqtar ese qaıyrdy – 7:5.
Sýper taı-breıkte Juqaev – Ýrsý jeńisti julyp aldy – 10:8.
Beıbit Juqaev – Vadım Ýrsý jartylaı fınalǵa shyǵý úshin argentınalyq Agýstın Gomes – ekvadorlyq Andres Andrademen talasady.
Jekeleı synda álemdik reıtıngide 302-orynda turǵan B.Juqaev osy dodada alǵashqy aınalymnan asa almady. Beıbit álemniń 329-raketkasy, argentınalyq Fakýndo Menaǵa jol berdi – 4:6, 2:6.
Taǵy bir qazaqstandyq, reıtıngide 285-satydaǵy Mıhaıl Kýkýshkın Mýrsııa (Ispanııa) chellendjer týrnıriniń shırek fınalynan tys qaldy. Ol álemniń 165-raketkasy, ıspanııalyq Roberto Karbales Baenaǵa ese jiberdi – 1:6, 6:3, 2:6.
Eske sala keteıik, budan buryn Mıhaıl Kýkýshkınniń Ispanııadaǵy jarystyń kelesi aınalymyna ótkenin jazǵan bolatynbyz.
Sondaı-aq Aleksandr Býblık Maıamı masters týrnırinde tabysty óner kórsete ala ma, sol týraly habarlandy.
