Beıbit Juqaev Shanhaı masters jarysynyń ekinshi aınalymyna joldama aldy

Qazaqstandyq, álemniń 302-raketkasy Beıbit Juqaev Shanhaı (Qytaı) masters týrnıriniń ekinshi aınalymyna joldama aldy, dep habarlaıdy QazAqparat tilshisi.

Bul — Aqtaý tennıs mektebiniń túlegi, 22 jastaǵy Beıbit Juqaevtyń óz sport jolyndaǵy alǵashqy masters jarysy edi.

Іrikteý saıysynan keıin negizgi jarysqa ótken Beıbit birinshi aınalymda álemniń 252-raketkasy, ıtalııalyq Stefano Napolıtanomen kortqa shyqty.

Qazaqstandyq tennısshi 7:5, 7:5 esebimen jeńiske jetti.

Bir saǵat 54 mınýtqa sozylǵan matchta Beıbit 6 eıspen birge 12 breık-poınttyń ekeýin paıdalandy. Qarsylasy 9 eıspen kózge tústi.

Beıbit Juqaev úshinshi aınalymǵa shyǵý úshin álemniń 14-raketkasy, reseılik Karen Hachanovpen talasady.

Eske sala keteıik, budan buryn Rybakınanyń 16 jasar reseılik tennısshini jeńip, Beıjiń týrnıriniń shırek fınalyna shyqqanyn jazǵan edik.

Sondaı-aq Mıhaıl Kýkýshkın Shanhaı masters jarysynyń ekinshi aınalymyna ótti.