Beıbit Juqaev pen Denıs Evseev Portýgalııadaǵy jarystyń irikteý saıysyn sátti ótkizdi

ASTANA. KAZINFORM – Qazaqstandyq tennısshiler Beıbit Juqaev pen Denıs Evseev Oeırash (Portýgalııa) chellendjer týrnırine joldama aldy.

Álemniń 244-raketkasy Beıbit Juqaev irikteý saıystarynyń jartylaı fınalynda nıderlandylyq Mık Veldheerdi qapy qaldyrdy – 7:6 (7:5), 6:3.

Búgin Beıbit irikteý saıystarynyń fınalynda 348-satydaǵy germanııalyq Krıstof Negrıtýdy joldan taıdyrdy – 7:6 (7:4), 6:4.

Bir saǵat 35 mınýtqa sozylǵan báseke barysynda Juqaev eıs sanyn 17-ge jetkizip, 2 breık-poınttyń bireýin paıdalandy.

Álemniń 249-raketkasy Denıs Evseev áýeli reıtıngide 367-oryndaǵy úndistandyq Sasıkýmar Mýkýndty 6:4, 6:3 esebimen utty.

Sodan keıin reıtıngide 514-satydaǵy portýgalııalyq Tıago Pereıramen betpe-bet keldi.

Birinshi partııada jergilikti tennısshi 6:2 esebimen basym tússe, ekinshisinde Denıs ese qaıyrdy – 6:4.

Úshinshi, sheshýshi sette Evseev 4:0 esebimen alǵa ketkenimen, Pereırany jaqyndatyp aldy. Degenmen óz múmkindigin jibergen joq – 6:4.

Saǵat jarymnan astam ýaqytqa sozylǵan matchta Evseev eıs jasamaǵanymen, 13 breık-poınttyń tórteýin óz esebine jazdy. Pereıra 5 eıs, 4 breıkpen (9 breık-poınt) kózge tústi.

Osylaısha, B.Juqaev pen D.Evseev negizgi týrnırge ótti. Olardyń qarsylastaryn keıin belgili bolady.

Taǵy bir qazaqstandyq, álemniń 197-raketkasy Dmıtrıı Popko Oeırashta jarysty birden negizgi dodadan bastaıdy. Onyń alǵashqy aınalymdaǵy qarsylasy – álemniń 120-raketkasy, belgııalyq Rafael Kollınon.

Eske sala keteıik, budan buryn Aýstralııa ashyq chempıonatynda Ámir Omarhanovtyń úshinshi aınalymǵa joldama alǵanyn jazǵan edik.

Elena Rybakına bapkersiz qaldy.