Beıbit Juqaev pen Denıs Evseev Portýgalııadaǵy týrnırdiń ekinshi aınalymyna ótti

ASTANA. KAZINFORM – Qazaqstandyqtar Beıbit Juqaev pen Denıs Evseev Oeırash (Portýgalııa) chellendjer týrnıriniń ekinshi aınalymyna ótti. 

Álemniń 174-raketkasy Beıbit Juqaev bastapqy kezdesýin dúnıejúzilik reıtıngide 282-orynda turǵan belgııalyq Gote Onklınmen ótkizdi.

Tartysty ótken oıynda qazaqstandyq tennısshi eki taı-breıkte tarazy basyn ózine aýdara aldy – 7:6 (7:3), 7:6 (9:7).

Eki saǵat 22 mınýtqa sozylǵan matchta Beıbit 9 eıspen birge 6 breık-poınttyń teń jartysyn óz esebine jazdy. Eıs jasamaǵan Onklın 12 breık-poınttyń úsheýin ǵana paıdalandy.

Taǵy bir qazaqstandyq, álemniń 177-raketkasy Denıs Evseev reıtıngide 211-satydaǵy aýstrııalyq Lýkas Noımaıerdiń mysyn basty – 3:6, 7:5, 6:0. Eki saǵat 6 mınýtqa sozylǵan báseke barysynda Evseev 4 eıs jasap, 17 breık-poınttyń 9-yn múlt jibermedi. Noımaıer 1 eıs, 6 breıkten (13 breık-poınt) asa alǵan joq.

Jarysty irikteý saıystarynan bastaǵan álemniń 223-raketkasy Dmıtrıı Popko alǵashqy aınalymda reıtıngide 182-oryndaǵy brazılııalyq Gýstavo Heıdege jol berdi – 1:6, 2:6.

Beıbit Juqaev shırek fınalǵa shyǵý úshin álemniń 150-raketkasy, amerıkalyq Patrık Kıpsonmen talasady. Al Denıs Evseev álemniń 124-raketkasy, taǵy bir amerıkalyq Emılıo Nava nemese reıtıngide 790-satydaǵy ıtalııalyq ıAkopo Berrettınıdiń qaı jeńgenimen kezdesedi.

Qazirgi kezde ATP Live reıtıngisinde B.Juqaev – 169, D.Evseev 174-orynǵa kóterilip tur.

Eske sala keteıik, budan buryn 12 qazaqstandyqtyń jasóspirim álemdegi TOP-100 tennısshiniń qataryna engenin jazǵan bolatynbyz.