Beıbit Juqaev Ońtústik Koreıadaǵy týrnırde bastapqy qarsylasyn kambekpen jeńdi
ASTANA. KAZINFORM — Qazaqstandyq tennısshi, álemniń 305-raketkasy, 25 jastaǵy Beıbit Juqaev Pýsan (Ońtústik Koreıa) chellendjer týrnırin jeńispen bastady.
Qazaqstandyq tennısshi alǵashqy aınalymda qurdasy, ATR reıtıngisinde 708-orynda turǵan ońtústikkoreıalyq ıÝı Sýn Pakpen betpe-bet keldi.
Birinshi partııa jergilikti sportshynyń esebine jazyldy – 6:4. Degenmen budan keıin Beıbit oıyn tizginin qolyna alyp, kambek jasaı bildi – 6:4, 6:4.
Eki saǵattan astam ýaqytqa sozylǵan tartysty básekede Juqaev 12 eıspen birge 9 breık-poınttyń tek ekeýin ǵana paıdalandy. Pak 12 eıs, 1 breıkpen (3 breık-poınt) kózge tústi.
Beıbit Juqaev shırek fınalǵa shyǵý úshin álemniń 110-ynshy, osy jarystyń 3-raketkasy, japonııalyq Sho Shımabýkýromen talasady.
Qazaqstandyq tennısshi osyǵan deıin Meksıkadaǵy qos chellendjer dodasynda shırek fınalǵa deıin jetip, ekeýinde de jarystyń 1-raketkasy, aýstralııalyq Djeıms Dakvortqa jol bergen edi.
Sonyń nátıjesinde keshe jańartylǵan álemdik reıtıngide Beıbit 340-tan 305-orynǵa kóterildi. Qazirgi kezde ATP Live reıtıngisinde ol 297-satyǵa shyǵyp tur.
Eske sala keteıik, budan buryn tennısten Qazaqstan quramasynyń álemdik reıtıngide 7-orynǵa kóterilgenin jazǵan bolatynbyz.
