Beıbit Juqaev Meksıkadaǵy jarysta tartysty matchta jeńiske jetti
ASTANA. KAZINFORM – Qazaqstandyq tennısshi, álemniń 353-raketkasy Beıbit Juqaev San-Lýıs Potosı (Meksıka) chellendjer týrnıriniń ekinshi aınalymyna shyqty.
Aqtaý tennıs mektebiniń túlegi alǵashqy aınalymda álemniń 491-raketkasy, frantsııalyq Robın Katrıge tap keldi.
Birinshi partııada qarsylastar breıkpen almasqannan keıin taı-breıkte Juqaev ábjildik tanytty – 7:6 (9:7).
Ekinshi sette Katrı aıqyn basymdylyq kórsetti – 6:1.
Sheshýshi, úshinshi partııada Beıbit jeńisti julyp aldy – 6:4.
Eki saǵat 20 mınýtqa sozylǵan tartysty básekede Juqaev 6 eıspen birge 10 breık-poınttyń tórteýin paıdalandy. Katrı 11 eıs, 6 breıkpen (9 breık-poınt) erekshelendi.
Beıbit Juqaev shırek fınalǵa shyǵý úshin álemniń 387-raketkasy, kanadalyq Den Martınmen talasady.
Sońǵy kezde sátsizdikke ushyrap júrgen qazaqstandyq tennısshi keshe jańartylǵan ATP reıtıngisinde 302-den 353-ke quldyraǵan bolatyn. Sondyqtan reıtıngilik upaı jınaý úshin barynsha tabysty óner kórsetý mańyzdy.
Eske sala keteıik, budan buryn ıÝlııa Pýtıntsevanyń Charlston týrnırinde ekinshi aınalymda álemniń 5-raketkasymen oınaıtynyn jazǵan edik.
