Beıbit Juqaev Meksıkada asa tartysty matchta germanııalyq tennısshini utty

ASTANA. KAZINFORM — Qazaqstandyq, álemniń 191-raketkasy Beıbit Juqaev San-Lýıs-Potosı (Meksıka) chellendjer týrnıriniń irikteý saıysynan sátti ótti.

Qazaqstandyq tennısshi irikteý saıystarynyń fınalynda reıtıngide 476-orynda turǵan germanııalyq Elmar Eıýpovıchpen asa tartysty matchty ótkizdi.

Germanııalyq sportshy birinshi partııada basymdylyq kórsetti – 6:3.

Budan keıin Beıbit kambek jasaı bildi – 7:6 (7:5), 6:3. Ekinshi settiń ózi 1 saǵat 36 mınýtqa sozyldy, bul bir oıyn ýaqytyndaı degen sóz.

Úsh saǵat 24 mınýtqa sozylǵan báseke barysynda Juqaev 11 eıs jasap, 9 breık-poınttyń ekeýin paıdalandy. Eıýpovıch 5 eıs, 1 breıkten (4 breık-poınt) asa almady. 

Osylaısha, negizgi dodaǵa qosylǵan Beıbit Juqaevqa alǵashqy aınalymda azýly qarsylas tap boldy. Ol álemniń 109-ynshy, jarystyń 2-raketkasy, aýstralııalyq Djeıms Dakvortpen kortqa shyǵady. 

Eske sala keteıik, budan buryn Maıamı týrnırinde ıÝlııa Pýtıntsevanyń shırek fınalǵa joldama alǵanyn jazǵan bolatynbyz.

Sondaı-aq Elena Rybakına qolaısyz qarsylasyn jeńip, Maıamı týrnıriniń shırek fınalyna shyqty.