Beıbit Juqaev Qytaıdaǵy jarysty jeńispen bastady

ASTANA. KAZINFORM — Qazaqstandyq tennısshi, álemniń 218-raketkasy Beıbit Juqaev Chjantszıagan (Qytaı) chellendjer týrnıriniń ekinshi aınalymyna shyqty.

Munyń aldynda AQSh ashyq chempıonatynyń irikteý saıysynda otandasy Tımofeı Skatovqa jol bergen qazaqstandyq sportshy bul joly alǵashqy aınalymda dúnıejúzilik reıtıngide 509-orynda turǵan slovakııalyq Lýkash Pokornydyń mysyn basty.

Birinshi partııada Pokorny 3:1 esebimen alǵa ketkenimen, Juqaev ese qaıtara bildi – 7:5. 
Ekinshi setti Beıbit breıkpen bitirdi – 7:5.

Bir saǵat 44 mınýtqa sozylǵan báseke barysynda Juqaev 6 eıspen birge 4 breık-poınttyń úsheýin múlt jibergen joq. Pokorny 6 eıs, 1 breıkti (5 breık-poınt) qanaǵat tutty.

Jarystyń 6-raketkasy bolyp tirkelgen Beıbit Juqaev shırek fınalǵa shyǵý úshin reıtıngide 327-oryndaǵy taıbeılik Týn-Lın Výdan ótýge tyrysyp kóredi.

Eske sala keteıik, budan buryn Aleksandr Býblıktiń AQSh ashyq chempıonatynda 19 jastaǵy tennısshiden jeńilip qalǵanyn jazǵan bolatynbyz.

Aleksandr Shevchenko alǵashqy jeńisine qol jetkizdi.