Beıbit Juqaev Qytaıdaǵy týrnırdi jeńispen bastady

Qazaqstandyq, álemniń 249-raketkasy Beıbit Juqaev Qytaıdaǵy Shenchjen 3 chellendjer týrnırin jeńispen bastady, dep habarlaıdy Kazinform.

Qazaqstandyq tennısshi 1/8 fınalda dúnıejúzilik reıtıngte 726-orynda turǵan qytaılyq Sıaofeı Vanmen sheberlik talastyrdy.

Beıbit Juqaev 6:3, 6:4 esebimen jeńiske jetti. Bir saǵattan astam ýaqytqa sozylǵan báseke barysynda ol 11 eıs jasap, 2 breık-poınttan shashaý shyǵarǵan joq.

B.Juqaev shırek fınalǵa shyǵý úshin álemniń 112-inshi, osy jarystyń 1-raketkasy, amerıkalyq Aleksandr Kovachevıch nemese reıtıngte 1692-satydaǵy qytaılyq Charlz Chenniń bireýimen talasady.

Taǵy bir qazaqstandyq Denıs Evseev alǵashqy aınalymda belarýstyq Egor Gerasımovpen oınaıdy.

Eske sala keteıik, budan buryn tennısshi Beıbit Juqaevtyń álemdik reıtıngide 53 satyǵa joǵary kóterilgenin jazǵan bolatynbyz.

Sondaı-aq Aleksandr Býblık Belgııadaǵy týrnırdiń shırek fınalyna shyqty.