Beıbit Juqaev Qytaıdaǵy «Masters» týrnıriniń negizgi kezeńine shyqty

ASTANA. KAZINFORM – Tennısten Qazaqstan komandasynyń ókili Beıbit Juqaev (196 ATR) mansabynda ekinshi ret Shanhaıdaǵy ATP 1000 serııasy aıasyndaǵy týrnırdiń negizgi kezeńinde óner kórsetpek, dep habarlaıdy UOK-nyń baspasóz qyzmeti. 

Іrikteý raýndynyń fınalynda qazaqstandyq tennısshi brıtandyq Bıllı Harrısti (104 ATR) 7:5, 2:6, 6:4 esebimen jeńdi. Juqaevtyń negizgi kezeńiniń birinshi aınalymyndaǵy qarsylasy kim bolatyny keıinirek anyqtalady. 

Shanhaıda ótetin «Masters» – Beıbit úshin mańyzdy týrnır. Byltyr da ol týrnırdiń negizgi jarysyna ótip, úsh sette de cheh Domınık Palandy 7:6 (8:6), 3:6, 6:3 esebimen jeńip, týrnırdiń negizgi bóligine shyqqan bolatyn.

Eske sala keteıik, buǵan deıin Sonıa Jıenbaevanyń Madrıdte ótken týrnırde jeńimpaz atanǵanyn jazǵan edik.