Beıbit Juqaev Frantsııadaǵy jarystyń 1/8 fınalyna shyqty

ASTANA. KAZINFORM – Qazaqstandyq tennısshi, álemniń 213-raketkasy Beıbit Juqaev Tonvıl (Frantsııa) chellendjer týrnırin jeńispen bastady.

Qazaqstandyq tennısshi alǵashqy aınalymda dúnıejúzilik reıtıngide 243-orynda turǵan germanııalyq Maks Gans Rebergtiń mysyn basty.

Birinshi partııada Beıbit taı-breıkte sátti oınady – 7:6 (7:4). Ekinshi sette qarqynyn odan saıyn údetti – 6:1.

Bir saǵat 16 mınýtqa sozylǵan básekede B.Juqaev 16 eıs jasap, 4 breık-poınttyń ekeýin paıdalandy.

Beıbit Juqaev shırek fınalǵa shyǵý úshin álemniń 171-raketkasy, kanadalyq Lıam Drakslmen talasady. Ol úsh saǵatqa jýyq ýaqytqa sozylǵan tartysty matchta reıtıngide 299-satydaǵy norvegııalyq Nıkolaı Býdkovty joldan taıdyrdy – 6:4, 6:7 (10:12), 6:4.

Taǵy bir qazaqstandyq, reıtıngide 256-oryndaǵy Denıs Evseev bastapqy kezdesýin álemniń 253-raketkasy, frantsııalyq Sasha Geımar-Vaıenbýrgpen ótkizedi.

Júlde qory 91 250 eýroǵa baǵalanǵan Tonvıl dodasy 9 naýryzda máresine jetedi.

Eske sala keteıik, budan buryn Ahmadı Maqanovtyń Shvetsııadaǵy sýper týrnırdiń chempıony atanǵanyn jazǵan bolatynbyz.
Anna Danılına Meksıkadaǵy jarystyń fınalynda ese jiberdi.