Beıbit Juqaev Chıkago týrnırinde qarsylasyn kambekpen utty

ASTANA. KAZINFORM — Qazaqstandyq, álemniń 203-raketkasy Beıbit Juqaev Chıkago (AQSh) chellendjer týrnıriniń ekinshi aınalymyna shyqty.

Jarystyń 5-raketkasy bolyp tirkelgen qazaqstandyq tennısshi bastapqy kezdesýin reıtıngide 321-oryndaǵy amerıkalyq Patrık Maloýnımen ótkizdi.

Birinshi partııada jergilikti sportshy 6:4 esebimen basym tústi.

Degenmen budan keıin Beıbit oıyn tizginin qolyna alyp, kambek jasaı bildi – 6:3, 6:4.

Eki saǵat 15 mınýtqa sozylǵan tartysty básekede Juqaev 18 eıspen birge 3 breık-poınttyń ekeýin paıdalandy. Maloýnı 6 eıs, 1 breıkten (10 breık-poınt) asa almady.

Beıbit Juqaevtyń kelesi qarsylasy keıin anyqtalady.

Eske sala keteıik, budan buryn Germanııadaǵy jarysta Skatovtyń Popkony utyp, kelesi aınalymǵa shyqqanyn jazǵan bolatynbyz.

Sondaı-aq Elena Rybakına Monreal týrnıriniń jartylaı fınalyna ótti.