Beıbit Juqaev alǵash ret Vashıngton týrnırine joldama aldy

ASTANA. KAZINFORM — Qazaqstandyq, álemniń 216-raketkasy, 24 jastaǵy Beıbit Juqaev Vashıngton (AQSh) ATP 500 týrnıriniń irikteý saıysyn jeńispen túıindedi.

Qazaqstandyq tennısshi irikteý saıysynyń fınalynda álemniń 324-raketkasy, ıtalııalyq, 30 jastaǵy Andrea Vavassorımen sheberlik baıqasty.

Birinshi partııada Beıbit 4:2 esebimen alǵa shyqqanymen, ıtalııalyq tennısshi tarazy basyn teńestirdi – 4:4. Degenmen Juqaev taǵy bir breıkke qol jetkizdi – 7:5.

Ekinshi sette taı-breıkte ıtalııalyq sportshy sátti oınady – 7:6 (11:9).

Úshinshi, sheshýshi partııada esep 4:4 bolǵan mezette Beıbit breık jasap, matchty eıspen aıaqtady – 6:4.

Úsh saǵat 10 mınýtqa sozylǵan tartysty básekede Juqaev 14 eıspen birge 8 breık-poınttyń teń jartysyn múlt jibergen joq. Vavassorı 15 eıs, 2 breıkpen (9 breık-poınt) kózge tústi.

Osylaısha, Beıbit Juqaev sporttyq jolynda alǵash ret Vashıngton ATP 500 týrnırine joldama aldy.

Beıbittiń negizgi dodadaǵy qarsylasy keıin anyqtalady.

Budan buryn Beıbit birinshi ret Ýımbldon jarysynda baq synaǵan edi.

Eske sala keteıik, budan buryn Beıbit Juqaevtyń Ýımbldon tórinde óner kórsetkenine qýanyshty ekendigi jóninde aıtqanyn jazǵan edik.

Sondaı-aq Býblık Eýropadaǵy taǵy bir jarysta baq synaıdy.